MOGUNTINENSIS Archiepiscopatus

MOGUNTINENSIS Archiepiscopatus

Germanice vulgo Stifft Maintz. Gall. d'Archevesche de Mayence, tractus est Germaniae superioris in parte Franconiae et Circulo Rhenano. Habet Wetteraviam die Wetterau a Septentrione, et Palatinatum inferiorem a Meridie. Praecipuae urbes, post primariam, de qua supra, sunt Binga Bingen, Aschaffenburgum Aschaffenburg, ubi Elector maximam partem moratur, Mildemberga Mildenberg, Omaeneburgum etc. in Hassia porro Frizlaria: in Thuringia, Erfordia, regionis caput, Eichfeldia, Duxderstadium, etc. Praesuli subsunt. Vide Baudrandum Geogr. et praeter Auctores supra memoratos, ubi de Metropoli ipsa egimus, Matth. Merianum Topographiâ Archiepiscopatuum Moguntinensis, Trevirensis ac Coloniensis.